sru:version: 1.2; sru:query: fcs.rf="mecmua.4_44"; fcs:x-context: mecmua; fcs:x-dataview: title,full; sru:startRecord: 1; sru:maximumRecords: 10; sru:query: fcs.rf="mecmua.4_44"; sru:baseUrl: ; fcs:returnedRecords: 1; fcs:duration: PT0.023S PT0.025S; fcs:transformedQuery: /descendant-or-self::fcs:resourceFragment[ft:query(@resourcefragment-pid,<query><phrase>mecmua.4_44</phrase></query>)];

yā hū

Geçdi cānānuñ firāqı cānuma
Yėter cevr eyledüñ girdün qanuma
Nāleden kimse gelmez yanuma
Söyle ey bād[‑]i seḫer [!] cānānuma

Düşmenüm gibi benüm ol nev‑civān
Şād olup çün‑kim ġamından her zemān
Eyleyüp aḥvālümi bir bir beyān
Söyle ey bād[‑]i ṣabāḥ cānānuma

Ḥasretüñden derd‑i bī‑pāyānumı
Fürqatüñden nāle vü efġānumı
Mā‑cerāya dīde‑i giryānumı
Söyle ey bād‑i seḥer cānānuma

Derd‑mendine şefāʿat eylesün
Ḥāṭırın [!] sorsun [!] riʿāyet eylesün
Bī‑vefālıqdan ferāġat eylesün
Söyle ey bād‑i ṣabā cānānuma

ʿĀşıq olaldan aña leyl ü nehār
ʿIşqum artar eksilür ṣabr u qarār
Olmışuz Yaḥyā gibi maḥzūn‑i zār
Söyle ey bād‑i ṣabāḥ cānānuma

Yaqdı yandurdı bizi nār‑i firāq
İşidenlerden ıraġ olsun ıraġ
Hey miḥnetdür bize bu iştiyāq
Söyle ey bād‑i seḥer cānānuma